Дээшээ ургадаг биш дотогшоо ургадаг бүхэн бие биенээ барааддаг...

no_email@coo.mn (kadajo) — Mon, 22 Oct 2007 16:55:00 +0800

maroonii wake up call ih goy duu shuu zaaval uzeerei....

no_email@coo.mn (kadajo) — Thu, 18 Oct 2007 18:46:00 +0800

Зүрх таньсангүй

Зөрөөд л өнгөрөх тохиол гэжүү
Зөндөө удаан хайсан даа, чамайг
Зөн совин минь хуураагүй ээ гэтэл
Зүрх тань намайг таньсангүй

Сайхан дүрд тань дасчихлаа гэжүү
Санаашраад л байх юм, сэтгэл минь
Салаад байхаар учрал үгүй ч
Санаа алдах минь тоогүй болчихжээ

"
Injidee

no_email@coo.mn (kadajo) — Thu, 18 Oct 2007 17:42:00 +0800

Арилчихаж

Нүд чинь, харц чинь,
хацар чинь бүдгэрчихэж
Бүдгэрчихэж ээ!
Нүүр чинь хов хоосон
Энд миний үнсэх дуртай уруул байсан
Энд миний уйлуулах дуртай нүд байсан

Арилчихаж
Чи минь арилчихаж ээ!
Тэмтрэх харцанд нүүрний чинь гүнээс
Тэр бүсгүйн л дүр нэвт харагднам
Царайг чинь баллуурдаж үзэгдэхгүй болгосон
Цагаахан гар... гар л үзэгднэм
Надад байдаггүй алтан бэлзэг
Нарийхан хуруу, урт хумс..
Нүдийг чинь, уруулыг чинь, зүрхийг чинь энэ л гар
Нүцгэн алгаараа арччихжээ Чи минь

Л.Өлзийтөгс

no_email@coo.mn (kadajo) — Wed, 17 Oct 2007 18:07:00 +0800

ih hoorhon duu shuu zaaval uzeeri
Music Videos - Me Love

no_email@coo.mn (kadajo) — Tue, 09 Oct 2007 17:05:00 +0800

Чи мэдэхгүй...

Уйтгарлан гуньж суухад минь
Зурвас илгээн сэтгэлд минь гэгээ татуулснаа
Чи мэдэхгүй
Чи зүрхний гүнд хоногшоод
Ямар их итгэл төрүүлснээ
Чи мэдэхгүй
Дуугүйхэн чи надад
Аймшигт шарх үлдээснээ
Чи мэдэхгүй ээ!
Дурлалын харууслыг шингээснээ
Чи бас л мэдэхгүй...
Чимээгүй чи надаас явсанд
Өр зүрх минь гомдоод
Өөрийн эрхгүй уйлж байсныг
Чи мэдэхгүй
Нэгэнт би өөр хүнтэй болсон гэж
Өөрийгөө аргадан суухад
Зүрх минь чам руу тэмүүлээд
Зүйрлэшгүй ихээр чамайг хүсдэгээ
Сэтгэл минь надад хэлсэн юм
Тиймээ! Би чамд хайртай...

Хайртдаа

no_email@coo.mn (kadajo) — Mon, 23 Jul 2007 21:59:00 +0800

Бүсгүй үсээ самнах нь бороо орох шиг
Бороонд норж гүймээр санагдана
Бодолд минь солонго татаад нар гарах шиг
Би түүнд хэтэрхий их хайртай

Арван наймтын зүүдэнд нулимстай орж ирлүү
Аргамжиж орхисон сэтгэлийн учигт
Намайг л гэсэн итгэл өөрөө ирэх шиг
Надин юм аа чи минь

Хүслийн шалтагт бодол эрмэлзээд
Хунгаар цэнгэх харцаараа уяатай
Миний хайрын тэнгэрт эгшиглэсэн
Мөрөөдлын бүсгүй минь

Дэргэд чинь яваад л очмоор
Дандаан дулаанхан үгс чинийх юм аа
Мөрөн цалгиасан аялгуу шиг
Миний сэтгэлд дэлгэрч л яваа Дээгий минь ээ.

Эрхлэн туних

no_email@coo.mn (kadajo) — Mon, 23 Jul 2007 21:54:00 +0800

Хайрын чинь тэнгэрт дэрвэлээ шүү
Хавсарга салхинаас хаагаарай
Үлээхийн зоргоор навч шиг би
Үйлээ даалгүй тасарчих вий

Амрагийн сэтгэлд чинь автлаа шүү
Аагим нарнаас халхлаарай

Гандуухан жилийн өвс шиг би
Эндүүхэн санагдаад хагдарчих вий

Зүйтэйхэн аалинд чинь уярлаа шүү
Зүсэр борооноос нөмөрлөөрэй
Жалгаа хальсан ус шиг би
Заяагаа зөрөөд урсчих вий

Тэвэрт чинь нялхарч хайллаа шүү
Тэсгим жаварт бөөцийлөөрэй
Жиндэхийн тоолон цан шиг би
Жихүүцэж даараад царцчих вий

Миний хайр чи

no_email@coo.mn (kadajo) — Mon, 23 Jul 2007 21:34:00 +0800

Өөрөө ч мэдэлгүй хайрын загалмайд цовдлуулж
Өр зүрхнээсээ эхлэн шатаж үнсэн товрог болоод
Yхсэн ч ясаа амраалгүй чиний төлөө сэтгэл минь тэнүүчилж
Yйлтэй энэ хорвоогийн хайрын шороонд цогцос минь булагдсан

Дурлалын бурхан минь чамайгаа үүрд буруутгахгүй
Дуусгавар болоод цаашилбал сүнс байлаа ч чамайг хайрлахаа болихгүй
Даанч дийлдэшгүй сэтгэлийн минь нандин алтан утас
Дардан замыг огтлон сөрсөн миний хайр чи..."

Надад дурласан бүсгүйчүүдэд

no_email@coo.mn (kadajo) — Thu, 19 Jul 2007 22:31:00 +0800

Гуниглаад л байвал уйлаад л байвал залуу нас чинь үргээд нисчихнэ
Гандсаар байгаад шарласаар байгаад навчис хатаад намар болчихно
Хараад л байвал хүлээгээд л байвал сэтгэл чинь эзгүйрээд надад гомдчихно
Хайрласаар байгаад итгэсээр байгаад зүрх чинь шархлаад эдгэхээн больчихно

Хоног өдрүүд ээлжлэн цаг хугацаа урсаад л өнгөрнө тэгээд хавар болно
Хонгорхон бүсгүйн сэтгэл хүлээснээс алдуурч тэгээд ахиад л дурлана
Амандаа тамхи зуун гуниг суунаглуулсаар над шиг л нэг нь яваад өгнө
Алчуур нөмрөн цонх ширтсээр чам шиг л нэг нь хүлээгээд үлдэнэ ээ

Дурсамж бүхэн чинь амттай санаад л санаад л суумаар байвч
Дурлалын зүүднээс нэг л өглөө сэртэл чинь би эзгүй байх вий
Өдөр өдрөөр тэр л мөч ойртоод л ойртоод л байх шиг боловч
Өвчинд шаналсан хүйтэн сар шиг гуниг л чамайг нөмрөөд үлдэх вий

Хагацан холдсон дурлал яг л салхи шиг яг л гал шиг
Хайртаа хүлээсэн сэтгэл яг л бороо шиг яг л нулимс шиг
Салхи үлээхэд дурлалын гал дүрэлзэн асна зарим нэг нь унтарна
Санан хүлээсэн сэтгэлийн бороо түлэгдсэн зүрхийг чинь дэвтээнэ ээ

Чамд хэн хэлсэн юм бэ?

no_email@coo.mn (kadajo) — Wed, 11 Jul 2007 19:06:00 +0800

Миний амрагийг хав хархан нүдтэй гэж
Миний амрагийг хачин дөлгөөн аальтай гэж
Миний амрагийг хавар эртийн бороо шиг гэж
Миний амрагийг намар оройн нар шиг гэж
Чамд хэн хэлсэн юм бэ ?

Миний амрагийг халгин цалгин дуулдаг гэж
Миний амрагийг хад эмтэртэл гуньдаг гэж
Миний амрагийг халуун зуны харз шиг гэж
Миний амрагийг хайруу өвлийн зэрэглээ шиг гэж
Чамд хэн хэлсэн юм бэ ?

Миний амрагийг тэнгэр мэт амгалан гэж
Миний амрагийг тэнгис мэт омголон гэж
Миний амрагийг эр сэтгэлдээ эрмэгхэн гэж
Миний амрагийг энгэрийг нь түшихэд энхрийхэн гэж
Чамд хэн хэлсэн юм бэ ?

Миний амрагийг хараад л дурламаар гэж
Миний амрагийг хайраа дэвсч аргадмаар гэж
Миний амрагийг хажууд нь эрхэлж нялхармаар гэж
Миний амрагийг хагацалгүй учралгүй жаргамаар гэж
Чамд хэн хэлсэн юм бэ ?

Миний амрагийг миний аялагхан шаналал гэж
Миний амрагийг миний алс одохын шалтаг гэж
Миний амрагийг миний аргадлын дуу гэж
Миний амрагийг миний амин хайрын учрал гэж
Чамд хэн хэлсэн юм бэ ?